"بيا دي انسان دې ته ځير شي چي له څه شي پېدا کړه شوى دى. له ټوپ وهونكو اوبو څخه پېدا کړاي شوى دى. چي د شا او د سينې دهډوكو [چوکاټ] له منځ څخه [ انسان] راوځي. په يقيني توګه، هغه (خالق) د ده (انسان) په بيرته راګرځولو قادر دى؛ په هغه ورځ چي د پټو رازونو پلټنه او څېړنه به وشي."
#وضاحت:
يوه قدرمن ورور ددغه آيت په اړه راڅخه وضاحت وغوښت، که څه هم په ميسج مې ورته ځواب وليکه، خو غواړم چې خپل نظر پدې اړه وليکم تر څو لوستونکي هم ترينه ګټه واخلي.
د #الطارق سورت له پنځم آيت څخه په انسان راڅرښيږي، او پوښتنه مطرح کوي چې انسان دې ځانته وګوري چې له څه پيدا شوی؟
بيا په شپږم آيت کې يې ځواب ورکوي چې د ټوپ وهونکي اوبو [سپرم] څخه پيدا شوی.
بيا په شپږم آيت کې يې ځواب ورکوي چې د ټوپ وهونکي اوبو [سپرم] څخه پيدا شوی.په اووم آيت کې بيا د انسان دنيا ته راتللو او ځيږيدنې باندې روښنائي اچول شوی چې د صلب او ترائب چې د انسان اسکيليټي چوکاټ مخه او شا چې د هډوکو قفص په څير دې، ددغې چوکاټ له دننه [ چې رحم پکې ځای په ځای دې او په هغه کې د څو مراحلو د تيرولو وروسته دنيا ته] راځي.په اتم آيت کې بيا الله تعالی د انسان دنيوي ژوند د پای ته رسيدو او خاورې کيدو وروسته مرحلې ته اشاره کوي چې لکه څرنګه په اول ځل انسان يې د مور له خيټې پيدا کړ همغسې کولای شي دئ بيا ژوند ته راوګرځوي چې بيا نهم آيت کې دغې ورځ ته اشاره ده چې د هر انسان پټ اعمال برسيره کيږي او ورسره محاسبه کيږي.نوټ:
زه پدې اند يم چې په اووم آيت کې [ يخرج -وځي ] او ورپسې آيت کې [ رجعه- بيرته د انسان راګرځول] يو له بل سره تړلي دي او دواړه د [ انسان] په اړه دي، چون همدا د سورت اساسي موضوع ده او دا د الله کتاب چې زه پيژنم تل لوړو موضوعاتو ته د انسان پام اړوي او وړوکو جزئياتو پلو نه ځي. دا چې ډيريو [ يخرج : سپرم وتلو] ته تخصیص کړئ او [ رجعه - بيرته راګرځول] انسان ته او دواړه يې سره جلا کړي ، ددې جلاوالي په لامل نپوهيږم.
#کليم
No comments :
Post a Comment