د پښتو ژبی لنډۍ

 

 

جانان په هيڅ نه رضا کيږي

د دروغجن ملا دې ورک شي تعويذونه
-------------------------------
جانان زما زه د جانان يم
که په بازار مې خرڅوي ورسره ځمه
-------------------------------
جانان زما سره پښتو کړي
چې سترګې توري کړي لکۍ ورته پرېږدينه
-------------------------------
جانان مې ستوری د اسمان دی
نه ورختی شم نه مې زړه صبر کوينه
-------------------------------
جانان مې لاړو اسماني شو
اسمان چې ځمکې ته راځي قيامت به وينه
-------------------------------
جانانه تور څادر په سر کړه
ځان مرور کړه چې جرګه دروليږمه
-------------------------------
جانانه ته خو داسې نه وي
د چا خبرې دې ضرور منلي دينه
-------------------------------
جانانه ته خوداسې نه وې
ښايي جواري دې دبل چاخوړلي دينه
-------------------------------
جانانه خپل وطن ته راشه
پردی وطن د مېړو قدر کموينه
-------------------------------
جانانه خپل وطن ته راشه
په دالانونو کې دې لګي خړ بادونه
-------------------------------
جانانه خپل وطن ته راشه
غمازان ستا په جدايۍ اختر کوينه
-------------------------------
جانانه خپل وطن ته راشه
که خلک ډېر دي پرې اباد دي خپل کورونه
-------------------------------
جانانه دومره په ما گران يې
چې ته روان يې زه دې شمارم قدمونه
-------------------------------
جانانه دومره را سره واي
لکه بر يښنا چې د با رانه سره وينه
-------------------------------
جانانه راشه چې پخلا شو
زمونږه څوک دي چې به مونږ پخلا کوينه
-------------------------------
جانانه راشه چې پخلا شو
عمر د ژمې مازديګر دی تېر به شينه
-------------------------------
جانانه راشه دا دی وخت دی
پلار مې د سر سودا د بل سره کوينه
-------------------------------
جانانه راشه که ديدن کړي
د زنکدن خولې په ما راغلي دينه
-------------------------------
جانانه راشه که راتلی شې
ښکلی بشر مې په کفن کې پټوينه
-------------------------------
جانانه زېری مې درباندې
زمونږه کډه ستاسې کلي ته درځينه
-------------------------------
جانانه ستا د زړه لپاره
زه په غرمه د ګودر غاړی له درځمه
-------------------------------
جانانه ستا ديدن لپاره
زه په زړه شپاله کې ‌بېرې ټولومه
-------------------------------
جانانه ستا ديدن لپاره
زه د کابله په ټکس راغلی يمه
-------------------------------
جانانه غلی غلی ګورې
يا دې څه ورک دي يا دې زه ليدلې يمه
-------------------------------
جانانه غم دې دومره خوږ دی
چې د دنيا خواږه يې خاورې ايرې کړنه
-------------------------------
جانانه فکر پکې وکړه
مينه سور اور دی وارخطا نشې مينه
-------------------------------
جانانه ولې لېونی شوې
په لاره ځې په تيګو ولې زيارتونه
-------------------------------
جانانه ويښ يې که ويده يې
ستا په کوڅه مې لاس تړلی تېروينه
-------------------------------
جدايي راغله لارې دوه شوې
مرګ مې قبول دی جدايي نه قبلومه
-------------------------------
جنۍ د پلاره دی وير يږم
ګودر ته راشه کور ته نه درسره ځمه
-------------------------------
ځان په ازغوباندې سوری كړه
كه چېرې غواړې ديارغېږه كې خوبونه
-------------------------------
ځان د وطن په شمع سيزه
چې پتنګان دې د زيارت طواف کوينه
-------------------------------
ځان دې زما په ديدن موړ کړه
بيا به مخ په سپين کفن کې پټوينه
-------------------------------
ځان يې زړو جامو کې جوړ کړو
لکه په وران کلي کې باغ د ګلو وينه
-------------------------------
ځای د داغلو په کې نشته
جانانه څله داغوې داغلي زړونه
-------------------------------
چا يې پلو ليدلی نه و
اوس د تورخم په سرک ځي سرتور سرونه
-------------------------------
چرګه مرۍ کې ناسور شه
زه د ليلا غېږې ته اوس راغلی يمه
-------------------------------
چنار به ولې سر لوړ نه کا
چې جنکۍ ورلاندې سترګې توروينه
-------------------------------
چې په ژوندون مې په کار نشوئ
که مې د قبر مجناور شې څه دې کړمه
-------------------------------
چې په ښايست مې خفه کيږې
نور به د ځمکې خوب کوم چې ژېړه شمه
-------------------------------
چې په مرض مې نه پوهېږې
طبيبه مه ګوه زما د لاس رګونه
-------------------------------
چې پېغله لور يې په کاله وي
پس د ماښامه دې پنځډزی ګرځوينه
-------------------------------
چې پېغله لور يې په کاله وي
د هغه کور سابه جواری مزه کوينه
-------------------------------
چې تاته ګورم ژړا راشي
چې ځانته ګورم په ما لا ډير دي غمونه
-------------------------------
چې تورو خاورو ته مي سپاري
په خولې مې کېږده د سورکو شونډو سرونه
-------------------------------
چې توره نکړې نو به څه کړې
چې دې شېدې د پښتنې رودلي دينه
-------------------------------
چې جنازه مي روانيږي
پاس په کفن باندې مې وشينده ګلونه
-------------------------------
چې چېرته ته وای هلته زه وای
نصيب تقدير مې له تا لرې ګرځوينه
-------------------------------
چې څوك له خپله ځانه دروندوي
ټولې دنياته ددراندۀ ګومان كوينه
-------------------------------
چې خط مې وايي ورته ژاړه
ماچې ليکه ورته مې ډېرژړلې دينه
-------------------------------
چې خويندې کښېنې ورونه ستايي
چې ورونه کښېنې خويندې بل ته ورکوينه
-------------------------------
چې د ديدن نصيب يې نه وي
په يوه کوڅه کې سره وړاندې وروسته شينه
-------------------------------
چې راپسې نشې قرانه
زه د جانان لپاره لاس درباندې ږدمه
-------------------------------
چې ژوندون وي جانان به راشي
چې ژوندون نه وي بيابه نه وي ديدنونه
-------------------------------
چې سا مې اوځي رانږدې شه
په دواړو سترګو راته کيده سره لاسونه
-------------------------------
چې سترگې تورې کړم شرميږم
چې شونډي سرې کړم غمازان مې نه پرېږدينه
-------------------------------
چې سر زما وي څنګل ستا وي
د هغه وخت په انتظار يم رابه شينه
-------------------------------
چې سر زما وي څنګل ستا وي
مزه به دا وي چې ويده د عمر شمه
-------------------------------
چې سړی هر څومره پښتون شي
زړه چې مئين شي پښتو ټوله ترېنه ځينه
-------------------------------
چې سور پرتوګ دې وکړو
نور يې زمونږ دکلي منع کړه چې مرمه
-------------------------------
چې عاشقي يې کړې نه وي
د پادې خر دی سبا ځي بېگا راځينه
-------------------------------
چې عاشقي يې کړې نه وي
هغه به څنگه د ايمان دعوه کوينه
-------------------------------
چې فکر بند په زولنو کړم
چې رانه خلاص شي برابر جانان له ځينه
-------------------------------
چې کله کله راپه ياد شې
دېوال ته کېنم ځانته غلی وژاړمه
-------------------------------
چې کلي واله مې ګڼلې
ځکه مې سوال د سپينې خولې درته کاونه
-------------------------------
چې ماز د يګر شی زړه مې ښه شی
په ګودر حوړ شی د منګيو کتارونه
-------------------------------
چې مازد يګر شی عاشقان ژاړی
چټه له خياله منګی وړی په ګودرونه
-------------------------------
چې مې په جېب کې دولت ډېر و
خپل مې لا څه چې د پردو خپل شوی وم
-------------------------------
چې مې د تورو سترګو وار و
د چا به کار و چابه هسې غږ کوونه
-------------------------------
چې وعده وکړې پوره يې نکړي
ژبه يې پرې کړې چې وعدې پرې نه کوينه
-------------------------------
چې وي پښتون اوپښتونكړي
داسې كسانوته به ګورې كړنګونه
-------------------------------
چې هديره باندې تيرېږې
زما مزار ته مخ راواړوه مينه
-------------------------------
چې يوړم يوړم اوبو يوړم
چې بې ګودره ګډ يدم اوبو به وړمه
-------------------------------
چېرته عاشق سړی ولاړ دی
ساړه ساړه اسويلي کړي باد يې راوړينه
-------------------------------
څانګه به نن سبا کې ګل شي
ما يې په سر کې سرې غوټۍ ليدلي دينه
-------------------------------
څنگ ته مې مه راځه جانانه
سبا به بوی د لونگين درڅخه ځينه
-------------------------------
څنګه په سپينه جامه ګرځې
رب دې مئين کړه چې خيرن دې ووينمه
-------------------------------
څنګه د ورايه په خندا شوې
لکه چې غم دې د زړه ټول هېر کړی وينه
-------------------------------
څنګه نرۍ يې لکه لښته
مور دې ړنده شه چې په تا اوبه راوړينه
-------------------------------
څوک په رضا له ملکه نه ځي
يا ډېر غريب شي يا د يار له غمه ځينه
-------------------------------
څوک چې په چا باندې مين شي
هغه غمجن شي د هر چا د خندا شينه
-------------------------------
څوک چې په شنو سترګو مين شي
پس د ماښامه دې پنځډزی ګرځوينه
-------------------------------
څوک چې د ښکلو وفا غواړي
ماته کيسه د صنوبر راياده شينه
-------------------------------
څوک چې د يار په غېږ کې پروت وي
په نورو خلکو د ړندو ګومان کوينه
-------------------------------
څوک مې د حاله خبر نه دی
لکه چنار مې په ډډ اور ولګېدنه
-------------------------------
خا ونده دا ګناه مې معاف کړی
بيا به دخوړ په عاړه نه کرم ګلونه
-------------------------------
خال به د يار له وينو کيدم
چې په شين باغ کې ګل ګلاب وشرموينه
-------------------------------
خال يې په غونډه زنه کېده
بيا ما ورپرېده چې پرې څه نخرې کومه
-------------------------------
خاورې د يار د کوڅې راوړئ
پاس په کفن کې ( لا اله) راته ليکينه
-------------------------------
خاونده بيا دې پسرلی کړو
جونه شفتل کړي وړکي سيل ته تللي دينه
-------------------------------
خاونده بيادی مازد يګر کړ
په ګودر جوړشو دمنګيو کتارونه
-------------------------------
خاونده ټوله مې ترې ځار کړې
زما په سر يې غرغرې منلي دينه
-------------------------------
خاونده څه چارې راوشوې
نه مې يار يار شو نه يې خلاص د غمه شومه
-------------------------------
خاونده دا به دې رضا وي
چې د ځوانۍ عمر په غم کې تېرومه
-------------------------------
خاونده دا به دې رضا وي
چې نور دې ګل کړل زه غوټۍ ورژېدمه
-------------------------------
خاونده دا به ستا رضاوي
چې دځوانۍ عمر په غم کې تيرومه
-------------------------------
خاونده دا ګناه مې معاف کړې
بيا به د خوړ په غاړه نه کرم ګلونه
-------------------------------
خاونده سل ځله ژوندراكړې
چې دجانان په مينه سل ځله مړشمه
-------------------------------
خاونده کوم يو پکې خوښ کړم
مرګ او بېلتون راته جوړه راغلي دينه
-------------------------------
خاونده ما خو داسې نه وېل
چې مساپر شم څوک دې خير نه راکوينه
-------------------------------
خاونده ما د ګودر ګل کړې
چې جنکۍ مې شوکوي سر کې مې ږدينه
-------------------------------
خاونده ما دګودر ګل کړی
چې جنکي مې شوکوی سرکې مې ږد ينه
-------------------------------
خاونده مرګ په ځوانۍ ورکړې
چې جنازه يې د ارمانه سره وړينه
-------------------------------
خاونده مرګ په ځوانۍ ورکړې
چې کلی کور يې د ځوانۍ ارمان کوينه
-------------------------------
خبر مې کله کله اخله
د لېونتوب آواز مې نن سبا درځينه
-------------------------------
خپلو جامو سره مې خښ کړئ
جانان په غشو د بڼو ويشتلی يمه
-------------------------------
خدايه د مور يې ورته پام کړې
چې په لنډۍ زنه يې ووهي خالونه
-------------------------------
خدايه دا مور يې لېونۍ کړې
مئين پرې زه يم اوس يې بل ته ورکوينه
-------------------------------
خدايه کوچيان په کوچ روان کړې
چې دا ښايسته بدرنګې ګډې وډې شينه
-------------------------------
خدايه ګورګورې تورې مه کړې
جنکۍ سرې شونډې ورځي تورې راوړينه
-------------------------------
خدايه مئين څوک په چا مه کړې
چې وس يې نه رسي په مخ يې اوښکې ځينه
-------------------------------
خدايه نری نری باران کړې
چې د ليلا ګډې تړلې پاتې شينه
-------------------------------
خدای به دې بيا راته محتاج کړي
زومبک زومبک څڼې مې بيا راغلي دينه
-------------------------------
خدای به دې زلفې په لاس راکړي
ماته د کلي ماشومان دوعا کوينه
-------------------------------
خدای به مو بيا سره يو ځای کړي
دسمال راواخله اوښکې پاکې کړه مينه
-------------------------------
خدای په وړې جلکۍ مئين کړم
د کوټنو ګټې په ما راچلوينه
-------------------------------
خدای خو دې دا ځلې راجوړ کړه
بيا مې توبه ده ښېرې نه درته کومه
-------------------------------
خدای خو دې دا ځلې راجوړ کړه
خلک به وايي چې سپېره دی يار يې مرينه
-------------------------------
خدای دې په تنګه کوڅه راکړه
چې د سينې روپۍ دې ګډې وډې کړمه
-------------------------------
خدای دې په داسې ځای کې راکړه
چې ته نارې کړې زه دې غېږ کې ټينګومه
-------------------------------
خدای دې په سر منګی ټوټی کړه
چې په اوږدو زلفو دې راشي سېلابونه
-------------------------------
خدای دې په واورو کې ايسار کړه
چې د تودې غېږې مې درشي ارمانونه
-------------------------------
خدای دې د پوزې پېزوان مات کړه
چې د زرګر په دوکان دواړه يو ځای شونه
-------------------------------
خدای دې د خولې لاړې دارو کړه
زه درتلی نشم بس دوعا درته کوومه
-------------------------------
خدای دې زما کړه غونډې منډې
په سر به پنډې چلوم تابه ساتمه
-------------------------------
خط مې ليکو قلم مې مات شو
د جانان نوم رانه نيمګړی پاتې شونه
-------------------------------
خلک به وايي چې وړه ده
وړې زما په زړه چړې منډلې دينه
-------------------------------
خلک تپوس له د رنځور ځي
زه چې رنځور شم د جانان تپوس وړمه
-------------------------------
خلک چارګل خونړی بولي
ما د نتکۍ په ډنډر ډېر وژلي دينه
-------------------------------
خلک دې وايي تُهمتونه
زه د ليلا په غېږ کې چا ليدلی يمه
-------------------------------
خلک زيارت له پتاسې وړي
زه د جانان لپاره غونډه روپۍ وړمه
-------------------------------
خلک شراب وڅښي نشه شي
ما د ليلا د لاس اوبه نشه کوينه
-------------------------------
خلک قيامت ته خفه کيږي
زه خوشالېږم چې جانان به ووينمه
-------------------------------
خلک له غمه امان غواړي
زه د جانان په غم کې ډوب خوشاله يمه
-------------------------------
خلک مې ټول تپوس له راغله
هغه رانغلو چې يې پروت له غمه يمه
-------------------------------
خلکو زړې يارۍ تازه کړې
زما په نوې يارۍ اور ولګېدنه
-------------------------------
خلکه ګودرګوري ګډيږی
زه بې ګودره ګډيدمه لا هو شومه
-------------------------------
خمارو سترګو ته دې وايه
چې مې ماشوم زړګی نور نه ازاروينه شي
-------------------------------
خندا کوې ياري دې نشته
تشه خندا د لباسې جنکو وينه
-------------------------------
خود به يې زه د در ملنګ يم
چې سپينه خوله راته خيرات کې راکوينه
-------------------------------
خولګۍ دې خورم نه پرې مړېږم
نامردې تا پکې ګني کرلي دينه
-------------------------------
خولګۍ دې خورم نه پرې مړېږم
نامرې ټوله راپشا شه چې دې وړمه
-------------------------------
خولګۍ مې خوره څو يې خوړای شې
شکره نه ده چې په تول به کمه شينه
-------------------------------
خوله به په زوره درنه واخلم
وړوکی نه يم چې ځاري درته کومه
-------------------------------
خوله به تر شونډو لاندې درکړم
په تورو غاښو مې لونګ کرلي دينه
-------------------------------
خوله به د خدای په رضا درکړم
منګۍ مې ولی ښوروی لنده دې کړمه
-------------------------------
خوله د ډېوې رڼا کې راکړه
په توره شپه کې دې زلفان خولي له راځينه
-------------------------------
خوله د ملا د لور خوږه وي
د شکرانې چرګان يې ټول خوړلي وينه
-------------------------------
خوله دې د تريو انار دانه ده
د رنځورانو قافلې درپسې ځينه
-------------------------------
خوله دې د سپينو زرو جام دی
زما پرې پام دی چې موزي پرې اوبه څښينه
-------------------------------
خوله مې غوښته ژبه يې راکړه
خدايه سخي نجلۍ ته ورکړې جنتونه
-------------------------------
خولې ته مې سوړ اوسېلی راغی
زړګيه بيا به دې جانان ياد شوی وينه
-------------------------------
-------------------------------
-------------------------------
-------------------------------
ما په ګودر د جنو ښخ کړی
ګو ندې ملا له پر ما کيږدی قد مو نه
-------------------------------
ما خو د ليرې نه صحي کړې
نور دې په تورو زلفو مه وهه لاسونه
-------------------------------
ما د کوچي د عمره ځار کړې
د سبايي اور يې بليږي دوی ترې ځينه
-------------------------------
ما د کونړ د سيند نه ځار کړي
زما جانان به پکې مخ مينځلی وينه
-------------------------------
ما د ګودر په غاړه خښ کړئ
چې جنکۍ مې مات بنګړي په قبر ږدينه
-------------------------------
ما د نصيب نه تېښته وکړه
نصيب زما د لارې مل راسره ځينه
-------------------------------
ما دګودر په غاړه ښخ کړی
چې جنکۍ مې مات بنګړی په قبر ږد ينه
-------------------------------
ما دې ټوپۍ په سر ګڼله
د جنکو په وار پيدا ورکه دې کړمه
-------------------------------
ما زد يګر تل لری خاونده
چې ماز د يګر په ګودر وشی د يدنونه
-------------------------------
ما سره سم ګودر له لاړ شه
منګي مې دوه دی نری ملا مې ما تو ينه
-------------------------------
ما سره سمه سيالي مه کړه
ما د لنډيو سيپارې ويلي دينه
-------------------------------
ما له مې وړی زړگی راکړه
زه وم نادانه په يارۍ نه پوهېدمه
-------------------------------
ما له وړوکي ريبار ځار کړې
چې يوه خبره دوه ځلې راته کوينه
-------------------------------
ما ويل يوازې زما يار يې
د اختر ټال يې هر سړی دې زنګوينه
-------------------------------
ما وې د غمه به دې مړ شم
قسم دی ياره بې نېټې نشته مرګونه
-------------------------------
ما يارانه کله کوله
سرتور ولاړ وې له ښېرو دې وېرېدمه
-------------------------------
ما يې د ورور د سترګو ځار کړې
ده به د خور سترګو ته ډېر کتلي وينه
-------------------------------
ما يې د ورور د سترګور ځار کړې
دا د ورور سترګي يې د خور په شانته دينه
-------------------------------
ماته دې دومره ديدن بس دی
چې په کوڅه کې پښه نيولی شې مينه
-------------------------------
ماته رباب په لاس کې راکړئ
چې زه ده خپلې ځوانۍ وير پکې کومه
-------------------------------
مازديگر چېرته وې چې نه وې
خورې ورې زلفې په بام ولاړه ومه
-------------------------------
مازديګر پيغلی ښی اغلی
منګي په ولو دګودر غاړی له ځينه
-------------------------------
مازديګر لمونځ دې قبول مشه
ديدن دې پرېښود د ايمان کوې سوالونه
-------------------------------
مازديګر لمونځ رانه قضا شو
نوی مين وم په دیدن نه مړيدمه
-------------------------------
مازديګری دی سوال قبليږي
خلکو زما په حق کې پورته کړئ لاسونه
-------------------------------
مازديګری دی ښېرې مکړه
ستا به عادت وي ما به ورک له ملکه کړينه
-------------------------------
مبارکي راکړئ عالمه
چې پرې مين وم ترې چاپېر مې کړل لاسونه
-------------------------------
مبارکي راکړئ عالمه
د تهمتونو سره يار قبوله کړمه
-------------------------------
مبارکي راکړئ عالمه
نادانه زه نادان مې يار ورسېدنه
-------------------------------
مخ په قبله مې د يار کور دی
لمونځ مې بانه کړ د اشنا ديدن کومه
-------------------------------
مخې ته راغله راته ژاړي
د لونګين نه يې ځونډي ورک شوي دينه
-------------------------------
مرګيه دومره صبر وکړه
يو مې ځواني ده بل مې ډېر دي ارمانونه
-------------------------------
مرګی په تنګه کوڅه راغی
ما وېل سلام هغه وېل کور دې ورانومه
-------------------------------
مړ مې د يار په کوڅه يوسئ
چې د نجلۍ د دادا يخ شي اندامونه
-------------------------------
مساپري په بې غمي کړه
زه پښتنه يم په نامه دې ناسته يمه
-------------------------------
مساپري دې ډېره وکړه
راځه راځه روزي به خدای رارسوينه
-------------------------------
مساپري سخته خواري ده
باران به اوري څوک به ځای نه ورکوينه
-------------------------------
مسافر ته شوې خواره زه شوم
خواره دې مور شه چې سفر ته دې ليږينه
-------------------------------
مسافر مه وژنئ عالمه
چېرته به يې خويندې د دين په تمه وينه
-------------------------------
مسافري دې روزي مه شه
زه دې په سپينه خولې ويده پرې ايښې ومه
-------------------------------
مسافرۍ خوړليه ياره
پيزار اوباسه چې دې تلې ښکلومه
-------------------------------
مسافرۍ خوړلی راغلی
قربان قربان دې د زړو جامونه شمه
-------------------------------
مسافرۍ مې زړه نری کړ
چې تش وطن رايادوم ژړا راځينه
-------------------------------
مسافرۍ نه ستړی مشې
اول خوله درکړم که دې جېب ولټومه
-------------------------------
مسلماني په چاكې نشته
مرور ګرځم څوك مې نه پخولاكوينه
-------------------------------
ملنګه دوه ګټې دې وکړې
يو دې خير ټول کړو بل دې وکړل ديدنونه
-------------------------------
منگيه بخت ته دې حيران يم
اول دې ښکل کړي بيا دې غېږ ته خېږوينه
-------------------------------
منګي کې موری اوبه نه شتهخ
زه د اوبو لپاره کوز ګودر له ځمه
-------------------------------
منګي يې ټول په ډنډ غو په کړل
د شيطا نۍ منګی په لپو ډکو ينه
-------------------------------
منګي يې ټول په ډنډ غوپه کړم
د شيطانۍ منګی په لپو ډکوينه
-------------------------------
منګی به تخرګ ګودر له ځمه
دغه يو ځای دی چې بری کيږی د يدنونه
-------------------------------
مور يې د کلي شومړې غواړي
لور يې په سپينه روپۍ خوله نه ورکوينه
-------------------------------
مور يې د کلي شومړې غواړي
لور يې د لارې مېلمانه راستنوينه
-------------------------------
مور يې ماڼو ورته لوګی کړې
زيارت له تلې چا به يې مخ ليدلی وينه
-------------------------------
مورې توپک کمربند راکړه
په ما مينه نجلۍ بل ته ورکوينه
-------------------------------
مورې د مخه دې شرمېږم
ماله کوژدن چا کره وکړه زوړ دې کړمه
-------------------------------
مورې کوچيانو ته مې ورکړه
چې تور پېکی مې د هلبند شمال وهينه
-------------------------------
مورې کوچيانو ته مې ورکړه
کنډک کنډک مستې به خورم غټه به شمه
-------------------------------
مورې لنډۍ توپك مې راكړه
په مامينه جينۍ بل ته وركوينه
-------------------------------
مورې لنډۍ توره مې راکړه
په دين غزا ده زه خپل ځان شهيدومه
-------------------------------
مين زړګي ته مې سلام دی
چې تمامي عمر په صبر تېرومه
-------------------------------
مينه په تګ راتګ زياتيږي
مونږ کره مه راځه چې زړه دې صبر شينه
-------------------------------
مينه په تلو راتلو زياتيږي
کله راځه کله به زه درځم مينه
-------------------------------
مينه د مينې پيدا کيږي
په مينه مينه دې کتل مين دې کړمه
-------------------------------
مينه د مينې پيدا کيږي
په مينه مينه دې کتل مين دې کړمه
-------------------------------
مينه دروغو زړونوكاردى
زموږه زړونه غريبۍ وژلي دينه
-------------------------------
مينه کې هر څه هر څه کيږي
په تا يوه خبره راغله هېر دې کړمه
-------------------------------
مينې دې داسې لېونی کړم
په لاره ځم خپل او پردي نه پېژنمه
-------------------------------
نارې وهم نارې مې نه اورې
هله به يې واورې چې زه تورې خاورې شمه
-------------------------------
نجلۍ په سر دې منګی مات شه
چې په سرکو شونډو دې راشي سېلابونه
-------------------------------
نجلۍ د بام په سر کږه شوه
ورسره کوږ شومهد پانډه ولوېدمه
-------------------------------
نجلۍ کږه شوه ماته نشته
د کونډې لور ده مور غوړي ورکړې دينه
-------------------------------
نجلۍ که ټوکی د بخمل دی
يار يې نيستمن دی په ژړا له ملکه ځينه
-------------------------------
نجلۍ وړه د يارۍ نه ده
کم عقله مور يې ورته سترګې توروينه
-------------------------------
نجلۍ ولاړه په لمانځه ده
پېرزو مې نشي تور پيکی په خاورو ږدينه
-------------------------------
نری نری لوګی ترې خيږي
د چا په نوې يارۍ اور ولګېدنه
-------------------------------
نړۍ مريح ته رسيدلې
موږلاتراوسه وړوپه خروباندې بارونه
-------------------------------
نښې دې ډېرې ما سره دي
نښې دې څه کړم چې دې سترګې نه وينمه
-------------------------------
نصيب مې خپل دی رارسيږي
مورې زما په نصيب مه کوه جنګونه
-------------------------------
نصيبه وسوزې ايره شي
تنديه مات شې تاکې څه ليکلي دينه
-------------------------------
نن خو مې ډير ياديږې ياره
خدای دې ناڅاپه چيرته راوله مينه
-------------------------------
نن د ګودر په لاره مه ځه
ليلا ولاړه ده په زړه ويشتل کوينه
-------------------------------
نن مې د قبر خواله راشه
مبارکي د نوي کور راکړه مينه
-------------------------------
نه به انځر د ورځې ګل شي
نه به زما زړگی د غمه خالي شينه
-------------------------------
نه دې د ځان نه دې د بل کړم
د دادا کور کې دې زړه کړمه ظالمه
-------------------------------
وايم چې داسې ځای ته لاړ وای
چې ستا دې ډېرو ناکردو ته وګورمه
-------------------------------
وخت د ځوانې مې نيمه خوا شو
يار بې وفا شو ارمانې به ګودر له ځمه
-------------------------------
ودرېدی نشمه غورزيږم
تاو کړي غشي مې د غم خوړلي دينه
-------------------------------
ودې ويشتم پورته دې نه کړم
خلک ويشتلی مرغۍ ژر پورته کوينه
-------------------------------
وربل يې پوړې پوړې راغی
بخت د هغه دی چې يې پولې ورانوينه
-------------------------------
ورشه د يار خبر دې واخله
چې بې ديدنه دې ساته لېونه شونه
-------------------------------
ورکه د کور کلي ياري شه
د زنې سر مې دېوالو وسولاونه
-------------------------------
وطن به ستا لپاره پرېږدم
چې ستا د حسن دوران تېر شي رابه شمه
-------------------------------
وطن د مور او پلاره خوږ دی
جانانه درې واړه پرېږدم تا سره ځمه
-------------------------------
وطن مې تن ،تن مې وطن دي
دتن په وينويې ساتم ترڅوچې يمه
-------------------------------
وطن مې ستا له غمه پرېښود
خلکو ته وايم چې نيسۍ اخيستی يمه
-------------------------------
ولاړه اوسه چې دې وينمه
چا دې صفت راته کوو راغلی يمه
-------------------------------
ولې دې سر په زنګنو کړ
ما په ځوانانو کې خوښ کړې يې مينه
-------------------------------
ولې دې مخ زما نه پټ کړ
اشنا غماز درته دروغ ويلي دينه
-------------------------------
ولی به زه ور پسی نه مر م
اوږی په غاړه ما زد يګر ګودر له ځينه
-------------------------------
هر کله راشې د يار غمه
که سل مې نور وي تا به پاس په تندي وړمه
-------------------------------
هر مازد يګردی لوی اختر دی
ګودره ! ځکه دی صفت هر ځای کو مه
-------------------------------
هغه دې هېر دي که دې ياد دي
چې د کړکۍ شمال په دواړو لګېدنه
-------------------------------
هغه ساعت به کله راشی
چې د اشنا سره به بر ګودر له ځمه
-------------------------------
يا خو زما په زړه تياره ده
يا خو په ټوله دونيا پرېوتل ګردونه
-------------------------------
يا خو زما نصيب خراب دی
يا خو به ټولې يارانې دغسې وينه
-------------------------------
يار مې په اوم کې زه اتم کې
يو کال به پاتې شم چې دواړه يو ځای شونه
-------------------------------
يار مې په شنو سترګو مين دی
زه به دا تورې سترګې چېرته بدلومه
-------------------------------
يار مې هندو زه مسلمان يم
د يار لپاره درمسال جارو کومه
-------------------------------
ياره زموږكلي ته راشه
يوڅه په جيب كې ستالپاره ګرځومه
-------------------------------
ياري په تور او په سپين نه ده
دا معشوقې خو غنمرنګې خوند کوينه
-------------------------------
ياري په تور او په سپين نه ده
زړه چې مين شي تور او سپين نه پېژنينه
-------------------------------
ياري خو تا پرې کړه کمبخته
که ما پرې کړې وای ژړلي به دې وونه
-------------------------------
ياري خو تا کړه ما خو نکړه
اوس يې چې لنډه پرې کوې ژړا راځينه
-------------------------------
ياري د دنګې نجلۍ خوند کړي
د پلو لاندې سړی غلی تېروينه
-------------------------------
ياري د زور خبره نه ده
که زړه دې نه وي بيا دې نه مجبورومه
-------------------------------
ياري د شنې لښتې ګوزار دی
چې چا خوړلی رنګ يې ځای ته نه راځينه
-------------------------------
ياري دې ټوله د ټګۍ وه
ښه شو چې زر دې په مطلب ورسېدمه
-------------------------------
ياري دې نه کوم ډاريږم
د لرې لرې نندراې به دې کومه
-------------------------------
ياري دې نه وه خوب ليدل و
څو چې مې سترګې غړولې سبا شونه
-------------------------------
يم خړ پښتون خړ مې ژوندون دی
خړو جامو کې به فردوس جنت له ځمه
-------------------------------
يو اخيري مصره دې داوي
اخر يې مه کړې د ځوانانو مجلسونه
-------------------------------
يو ځلې بيا په دې لار راشه
په پخوانو قدمو دې پرېوتل ګردونه
-------------------------------
يو ځلې راغلی خوله مي ورکړه
لار يې صحي کړه په غضب ککړه شومه
-------------------------------
يو خو دې غونډه منډه خوله ده
بل دې خبرې په کنډه تللي دينه
-------------------------------
يو دې غريب پيدا کړم خدايه
بل دې مين په کبرجنې نجلۍ کړمه
-------------------------------
يو زخم نه دی چې به جوړ شي
هزار زخمونه مې په زړه دي مړ به شمه
-------------------------------
يو ګوټ اوبه منګی نه راکړه
د وصال تږی يم اوبه بهانه کومه
-------------------------------
يو وارې ټينگه غېږه راکړه
بيا دې دا دا له توره ورکړه چې راځينه
-------------------------------
يوازې خدای به پرې خبر وي
د خندا ډکه خوله به چيرته ناسته وينه
-------------------------------
يوازې ژوند مې په کار نه دی
چې اشنا لاړو زه به تور لحد ته ځمه
-------------------------------
-------------------------------
-------------------------------
-------------------------------
اب کوثر جانانه راشه
د بېلتانه پۀ سفر ځم تږی بۀ شمه
-------------------------------
اب و دانه مې شوه تمامه
ليلا په زړه راکړل د تورو گوزارونه
-------------------------------
الله دې تا په چا مين کړي
چې تن دې روغ وي زړه دې پټ کوي دردونه
-------------------------------
الله درې ژر تياره ماښام کړي
چې کچکول واخلم د يار در ته ودرېږمه
-------------------------------
اباسين بيا پۀ څپو راغی
پۀ سر يې راوړۀ سپينې خولې زېړ پېزوانونه
-------------------------------
اباسين بيا څپې څپې دی
هره څپه يې ورانوي د پګړۍ ولونه
-------------------------------
اباسين راغی غاړې غاړې
پۀ سر يې راوړۀ کشميري د خيال شالونه
-------------------------------
اپت وهلي کښت ته راغلم
نه يې شين توب شته نه هغه خوند راکوينه
-------------------------------
اټې اټې زلفې دې توی شوې
د پا غوندې پۀ دود دې سر سپين شومه
-------------------------------
اجر و جزا د عمل حق ده
څوک چې د نېکو عمل کړي نېکي بۀ وړينه
-------------------------------
احمده خدای دې جنتي که
تر هندوستانه پورې تا کړي جنګونه
-------------------------------
اختر به بيا وطن ته راشي
زړګيه تللی جانان بېرته نه راځينه
-------------------------------
اختر پرون ؤ پرون تېر شو
دا د دامان کوترو نن سرۀ کړۀ لاسونه
-------------------------------
اختر پرون تېر شو عالمه
د بغدادو کوترو نن راغلل سيلونه
-------------------------------
اختر په منډه منډه راغی
نه مې نتکۍ شته د نه د غاړې تاويزونه
-------------------------------
اختر پۀ ټوکو ټوکو راغی
نه مې اوږۍ شته نه د غاړې تاويذونه
-------------------------------
اختر پۀ ورځ دې سينګار کړ
څوک دې پۀ زړۀ دي که ډاډه وهې ټالونه
-------------------------------
اختر ته ډېره خوشالېږم
زما ديار وعده اختر دی رابۀ شينه
-------------------------------
اختر چې تېر شي بيا بۀ راشي
دا د ځوانۍ عمر پۀ بېرته نه راځينه
-------------------------------
اختر د واړو مبارک شه
دا د ځوانۍ عمر پۀ بېرته نه راځينه
-------------------------------
اختر دې تا ته مبارک شي
چې لاس او پښې دې بې حنا اور لګوينه
-------------------------------
اختر له تا سره ښایېږي
نور خلک خوشې د اختر هوس کوينه
-------------------------------
اختر نژدې دی روژه لاړه
ليلا بۀ چاته سرې منګلې ښکاروينه
-------------------------------
اختر نژدې دی ياره راشه
مبارکي بۀ يو وبل ته ورکوونه
-------------------------------
اختره ستا د برکته
د جنکو په سينه زانګي زيړ ګلونه
-------------------------------
اخر به مرم پاتې بۀ نه شم
ته چې دا سپينه سينه ږدې پۀ دېوالونه
-------------------------------
اخر بۀ پاتې شې ميدانه
مسافر کډۍ باروي وطن له ځينه
-------------------------------
اخر بۀ خاورې شې بدنه
که دې هر څو پر وطنو وګرزومه
-------------------------------
اخر بۀ خاورې شې جانانه
ما اشنا سترګې نا اشنا ليدلې دينه
-------------------------------
اخر بۀ خاورې شې صورته
که دې هر څونه پۀ زربفتو کې ساتمه
-------------------------------
اخر بۀ دا دنيا شي ورانه
تر خاورو لاندې بۀ شي ښکلي بشرونه
-------------------------------
اخر بۀ کند کچکول راواخلم
چې کبرجن جانان مې نه کوي پوښتنه
-------------------------------
اخر بۀ مرم پاتې بۀ نه شم
که د فولادو کلا تاو له ځانه کړمه
-------------------------------
اخر بۀ وران شې پېښوره
د ننګرهار نجونې ښېرا درته کوينه
-------------------------------
اخر ته داسې درته وايم
اجازه واخله چې جوړه کابل ته ځونه
-------------------------------
اخرنی ځای دې لحد دی
ظالمه مه کوه پۀ ما ډېر ستمونه
-------------------------------
اخيري ورځ ده راته ګوره
بيا به د يو بل د ليدو ارمان کوونه
-------------------------------
ادکې مورې څراغ بل کړه
د مومن خان پۀ وينو سرۀ شول بالښتونه
-------------------------------
اذان پۀ ځنډ کوه طالبه
زه د جانان غېږې ته اوس ورسېدمه
-------------------------------
ارام د زړۀ مې پرې و نۀ شو
که مې له سرو سترګو ويني تويومه
-------------------------------
ارمان ارمان تېره ساعته
پيدا به نشې که ملنګ درپسې شمه
-------------------------------
ارمان ارمان خپله وطنه
د خپل وطن جامې مې ولوېدې له تنه
-------------------------------
ارمان ارمان د دا دا کوره
د ډکه شکوره به چاپېره تاوېدمه
-------------------------------
ارمان ارمان دی لويه خدايه
چې همېشه مې د جانان کړای مجلسونه
-------------------------------
ارمان به وکړې وخت به تېر وي
بيا به وطن راپسې ګورې نه به يمه
-------------------------------
ارمان به هلته زما درشي
چې سور پالنګ درته يوازې پاتې شينه
-------------------------------
ارمان به هلته زما درشي
چې کټ مې واخلي تورو خاورو ته مې وړينه
-------------------------------
ارمان به هلته زما درشي
چې مې ځوځان په قبر وسپړي ګلونه
-------------------------------
ارمان به هلته زما درشي
چې مې د سخات پيسو ته ونيسې لاسونه
-------------------------------
آسمانه درز وهه راولېږه
په ما قيامت دی چې په ټولو قيامت شينه
-------------------------------
اسماني تندر شوې جانانه
په ما راپرېوتي ذرې ذرې دې کړمه
-------------------------------
امانتي مې ګور کې کېږدئ
که اشنا راشي ما به خپل کلي ته وړينه
-------------------------------
آواز يې اورم کتی نشم
په ښاپېرو مې سر و کار دی وبه مرمه
-------------------------------
اوبه د بر ګودر خوږې دي
زه د جانان لپاره کوز ګودر له ځمه
-------------------------------
اوبه د کوز ګودر خوږې دي
لیلا د يار لپاره بر ګودر ته ځينه
-------------------------------
اوبه دکوز ګودر خوږې دي
زه د مين د پاره بر ګودر ته ځمه
-------------------------------
اوبه دهر ګودر خو ږې دي
جانانه ستا لپاره کوز ګودر ته ځمه
-------------------------------
اور چې بليږي اخر مړ شي
د مينې اور سړی تر عمره سوزوينه
-------------------------------
اوښکي مې سيند غوندې بهيږی
بیا به د سيند د غاړی نهکوم سيلونه
-------------------------------
اول به ته ورته حيران شې
که مې ښکاره کړه د زخمي زړګي داغونه
-------------------------------
اول به کله کله غم و
اوس مې دوتر شو کروندې پکې کومه
-------------------------------
اول دې ويل چې رامين شه
اوس راته وايې چې خپل کار کوه مينه
-------------------------------
اول مې فکر درته نه و
اوس مې د زړه ستنې کږې درپسې دينه
-------------------------------
ايمان دې ښه راته معلوم دی
په رواجي برېتو دې مه وهه لاسونه
-------------------------------
بابا ته لاړې سوال دې وکړو
په زړه دې زه وم که دې نور کول سوالونه
-------------------------------
بابادې ماوژلی نۀ دی
چې راته نيسې دزړې ولې بندونه
-------------------------------
باباکوچيانوته مې ورکړه
چې تورپېکی مې دنښتروبادوهينه
-------------------------------
باباګلان دباغه راوړه
زۀ يې پېيمه جوړومه امېلونه
-------------------------------
بابامې نۀ درکوي ياره
لاړشه باباباندې مې وکړه تاويذونه
-------------------------------
باباولي پرکندهاردی
زماجانان يې وزيارت ته تللی ونه
-------------------------------
بابوټيکس دې بېرته واخله
زۀ مې شيرين جانان دکن ته نۀ لېږمه
-------------------------------
بابوټيکس دې بېرته واخله
مامروراشناپخلاکړبېرته ځينه
-------------------------------
بابوکره زموږ وطن دی
جندوله تاته سلامي راغلی يمه
-------------------------------
باتۍ دتېلوپۀ زورسوځي
ماته ديارغمونه اورشول ويې سومه
-------------------------------
باچارخصت راکه چې ځمه
چې پۀ وطن موغنم زېړ لويې کومه
-------------------------------
باچاهي تخت مې پۀ کارنه دی
جانان بۀ لوکازۀ بې وږي ټولومه
-------------------------------
باد د جنت پکې لګيږي
د غرمې خوب د شاليلا دېرې ته وړمه
-------------------------------
باددبهۍ پۀ کې لګېږي
دغرمې خوب بۀ دليلادېرې ته وړمه
-------------------------------
باددپغمان له لورې راغی
زمادياردزلفوبوی ماته راوړينه
-------------------------------
باددخوتن دی راالوتی
ياعنبري زلفې جانان سنبالوينه
-------------------------------
باددې پلوله مخه يوسه
چې ګلابي مخ دې پۀ سترګوووينمه
-------------------------------
بادسبازماقاصد شه
زماشيرين اشناته يوسه سلامونه
-------------------------------
بادسبايارمې ويښ نه کړې
دسهارخوب پرهلک ډېرغالبه وينه
-------------------------------
بادمې ديارله لورې راغی
پۀ وازه خوله به يې کوګل ته تېرومه
-------------------------------
بادنن له پاسه که ښکې دی
بوی دجانان مې پۀ دماغ ولګېدنه
-------------------------------
باده پربادمې سلام وايه
پرهغه بادچې داشناپۀ لورې ځينه
-------------------------------
باده په باد مې سلام وايه
په هغه باد چي د جانان په لورې ځينه
-------------------------------
باده دخدای روی مې دروړی
ژرراته وايه ګران زړګی څۀ حال لرينه
-------------------------------
باده ديارحالونه راوړه
ظالمان شته دي ماويارته نه پرېږدينه
-------------------------------
باده ديارله لورې راشه
ماته ملهم شه چې مې جوړشي پرهارونه
-------------------------------
باده سلام پۀ جانان وايه
هغه سلام چې باده تا راوړی ؤنه
-------------------------------
باران داوښکومې ورېږي
بې نيازه يارراته پۀ زړۀ راکړل زخمونه
-------------------------------
باران که اوري باک يې نشته
واورې دې نۀ اوري چې لارې بندوينه
-------------------------------
بارانه ورو ورو واورېږه
دمسافرجانان مې نشته دالانونه
-------------------------------
بارانه ورو، وروپرې ورېږه
په مسافر اشنا مې نشته دالانونه
-------------------------------
بارانه ورو، وروپرې ورېږه
وړې، وړې جنکۍ غره ته تللي دينه
-------------------------------
باغ ته دې تګ مناسب نۀ دی
ګلان شرمېږی مخ پۀ پاڼوپټوينه
-------------------------------
باغ چې دزاغ پۀ حواله شي
بلبل نری فريادکوي له باغه ځينه
-------------------------------
باغ له دې تله مناسب نۀ دي
پخپله ګل يې ګل دې ستاسلام کوينه
-------------------------------
باغچه پۀ ګلوښه ښکارېږي
لکه دپېغلې سينه ډکه پۀ ګلونه
-------------------------------
باغچې دګلوشوې سمسورې
باغوان وختي لښتي پر باغ تړلي دينه
-------------------------------
باغوانه باغ مې دې خوښ نه شو
چې پۀ کې نشته درامبېل چامبېل ګلونه
-------------------------------
باغوانه پاڅه چې سهار دی
ګلان دتندې درته خواست داوبوکړينه
-------------------------------
باغوانه ورشه باغ سوتره که
سبادرځمه دګلاب سيل بۀ کومه
-------------------------------
باڼه دې مړه دي ښکته ګوري
لکه چې مور دې نوره کور کې بندوينه
-------------------------------
باڼه دی ورو جګ کړه شير ينې
ما ته دی سم د زړه په سر ټو مبلی د ينه
-------------------------------
بدن درياب زړه مې ګودر دی
د غم ويلی پکې رګونه تللی دينه
-------------------------------
بړستن دې واغوسته ويده شوې
په زړه دې نشته د شرين جانان غمونه
-------------------------------
بله ډيوه شه راته کښېنه
زه دې پتنګ ستا د ديدن راغلی يمه
-------------------------------
بنګړو دې نيمه شپه کې شرنګ کړو
زه دې بهر تمبو ته لاس په نامه شومه
-------------------------------
بنګړي نيم ښکته کړه نيم پورته
چې په خالي مړوند دې سر ولګومه
-------------------------------
بوټي راټول کړئ اور پرې بل کړئ
زموږ دستور دی په رڼا خوله ورکوونه
-------------------------------
بورا به خدای په گلو موړ کا
باغوانه ستا نيمګړی نيت مې ژړوينه
-------------------------------
بيا به پدې کلي رانشم
د کلي مينځ د لېونۍ ورسېدنه
-------------------------------
بيا به د کلي په منځ نه ځم
د کلي منځ دلېونۍ ورسېدنه
-------------------------------
بيا به ديار کلي ته نه ځم
په خندا لاړ شم په ژړا بېرته راځمه
-------------------------------
بيا به دې نوم په خوله وانخلم
بېګاه دې مور له دروازې شړلی يمه
-------------------------------
بيا به نرۍ جامې ونکړم
باران لمده کړم اشنا ټوله وليدمه
-------------------------------
بيلتونه چيرته چې ځی لاړ شه
ګودر ته مه ځه چې بې تا پاتی شينه
-------------------------------
بې غېر له تا مې عمر ګران دی
زه به دا ګران عمر تر کومه تېرومه
-------------------------------
بې ننګه ننګ راباندې وکړه
سبا مې ستا په سر پانسۍ ته خېژوينه
-------------------------------
بې وفا هله راته وايه
چې ته لوګی شې زه لمبه نه شم مينه
-------------------------------
بېګا مې مړ په خوب ليدلی
سبا مې سرو شونډو پتري نيولي وونه
-------------------------------
بېګاه په خوب کې ژړا راغله
د مينې يار مې در په در غواړي خيرونه
-------------------------------
بېلتون په هر چا مېلمه کيږي
ماته چې راشي نو کلونه تېروينه
-------------------------------
بېلتون د خلکو د خندا کړم
ځکه هر وخت گرېوان شلېدلی گرځومه
-------------------------------
بېلتون دې قدر رامعلوم کړ
اوس به سلام په دوه لاسه درته کومه
-------------------------------
بېلتون يواځې په ما ندی
بېلتون شمال دی هره پاڼه رپوينه
-------------------------------
بېلتون يوازې په ما ندی
د بېلتانه د لاسه ډېر فرياد کوينه
-------------------------------
بېلتونه راشه ستړی مه شې
زړه مې پښتون دی مېلمه نه خفه کوينه
-------------------------------
بېلتونه کور دې راته ښايه
د زور دې نه يم ننواتې به درځمه
-------------------------------
بیا به منګی ته ګو تی نه کړم
مور د ګودر د تلو نه ما منعه کوينه
-------------------------------
پاچائي تخت مې پۀ کار نۀ دی
جانان دې لوکړي زۀبۀ وږي ټولومه
-------------------------------
پاچائي تخت مې پۀ کارنۀ دی
مادې ديارلۀ څنګه نۀ جداکوينه
-------------------------------
پاس پراسمان راشه رامداره
داسمې لارې راڼېزونيولې دينه
-------------------------------
پاس پراوږودې منګی مات شه
چې دسينې پۀ خوړ دې راشي سېلابونه
-------------------------------
پاس پربام مه خېژه کوترې
پورته اسمان کې بۀ شين لمرشرمنده شينه
-------------------------------
پاس په کمره ولاړه ګله
نصيب د چا يې اوبه زه درخېژومه
-------------------------------
پاس په ګودر د پيغلو جنگ شو
د سور سالو مير منې ما تې ګډوينه
-------------------------------
پاس په ګودر ولاړه ګله
يا به دې راوړم يا به مړ درپسې شمه
-------------------------------
پاس په ګودر ولاړې ګله
نصیب د چا يې او به زه در خيژومه
-------------------------------
پاس په هوا راشه جانانه
لارې کوڅې د غمازانو ډکې دينه
-------------------------------
پاس په هوا راشه جانانه
د ګودر لاري راڼيزو نیولی دينه
-------------------------------
پاس پۀ اسمان کې ډزې وشوې
چاويل ملوک دی دبدرۍ سلام ته ځينه
-------------------------------
پاس پۀ اسمان کې ستوري ښکاري
اشناويدۀ دی مايې وکړل ديدنونه
-------------------------------
پاس پۀ اسمان کې ستوری زۀ وای
نجلۍ وېده وای مايې وکړای ديدنونه
-------------------------------
پاس پۀ اسمان کې ګړزهارشو
جينکۍ ژاړي کشمالې ږاۍ وهينه
-------------------------------
پاس پۀ اسمان کې مرحباشوه
محمدوخوت دالله ديدارته ځينه
-------------------------------
پاس پۀ بلۍ کوترې راغلې
زۀ پۀ پوړوديارپوښتنه ترې کومه
-------------------------------
پاس پۀ بنګله کې فريادخېژې
يارنځوران دي يامين بېل شوي دينه
-------------------------------
پاس پۀ تيرااوره بارانه
دپېښورپۀ برخه سېل دی رابۀ شينه
-------------------------------
پاس پۀ سينه ځای راته جوړکه
مزل وهلې ځمکه ځای نۀ راکوينه
-------------------------------
پاس پۀ کمرۀ ولاړه ګله
نصيب دچايې اوبۀ زۀ درخېژومه
-------------------------------
پاس پۀ کمرۀ ولاړې زرکې
بازمې رنځوردی لۀ خولې وينې تويوينه
-------------------------------
پاس پۀ ګودردپېغلوجنګ شو
دسورسالومېرمنې ماتې ګډوينه
-------------------------------
پاس پۀ هواراشه جانانه
داکوزې لارې بېلتانۀ نيولې دينه
-------------------------------
پاس د آسمان ستورو ته ګوره
په تا مې دومره دي د سپينې خولې پورونه
-------------------------------
پاس داسمان ستوروته ګوره
پرتامې دومره دي دسپينې خولې پورونه
-------------------------------
پاکه مولا که ته يې واخلې
سړی سړی نه دی په بند يې ناسته يمه
-------------------------------
پالنګ دسرونالۍ دزرو
ليلادسروزروغنچه خوب پۀ کوينه
-------------------------------
پالنګ ديارسره ښۀ ښکاري
نۀ مې خوښېږي دابې ياره پالنګونه
-------------------------------
پام کوه واردې خطانۀ شې
دګلوڅانګه دې پرسرولاړه يمه
-------------------------------
پانسۍ دزلفوماته راکړه
زۀ بېلتانۀ پۀ مرګ خوشاله کړم مينه
-------------------------------
پاولی ديخ سينه دې تخت دی
چې درنژدې شم زړۀ مې يخ لاندې کوينه
-------------------------------
پتنګ پۀ خاص څراغ مين دی
ښايسته خولمردی ځان پرې نۀ کبابوينه
-------------------------------
پتنګ خويوځل شهيدشوی
افرين ماته چې مدام سوزم مينه
-------------------------------
پتنګه خاورې دې پۀ سرشوې
شموته جوړشوۀ پۀ ښيښوکې مقامونه
-------------------------------
پتڼ پۀ منځ دبازارراغی
شمعې مخ پټ کړويلې نۀ دې پېژنمه
-------------------------------
پتڼ لۀ شمعې پۀ څنګ نۀ ځي
زۀ بۀ ديارله غمه ولې پرڅنګ ځمه
-------------------------------
پتڼ لۀ ما نه زده کړه وکړه
ځکه خپارۀ وزرونه شمعې له ورځينه
-------------------------------
پتڼه راشه کۀ پرې سوځې
ستاداجل شمعه پۀ لاس کې ګرځومه
-------------------------------
پټ بۀ دزړۀ دردونه تېر کړم
بې درده يارته بۀ ونه وايم حالونه
-------------------------------
پټ بۀ ديار لۀ غمه ژاړم
پټې بۀ وينې لړمانۀ ته تېرومه
-------------------------------
پټ بۀ ديار لۀ غمه ژاړم
چې مې پۀ درد ظالم خبر نۀ شي مينه
-------------------------------
پټ د ګودر په غاړه کينه
چې ياره پټ په پټ وکړو ديدنونه
-------------------------------
پټ کرمونه درب ډېر دي
جانان ته وايه وارخطانۀ شې مينه
-------------------------------
پټکی دې کوږ په وريځو کېده
زه د همزولو په کتار کې ناسته يمه
-------------------------------
پخوا به کله کله غم وو
اوس د غمونو قافلې راسره ځينه
-------------------------------
پر ګودر څه بلا لګيږی
چې کشر ورو يې بدرګه ورسره ځينه
-------------------------------
پر ګودر ګڼي ونی کیږده
چې شا ليلا منګی په سوری ډکو ينه
-------------------------------
پر ګودر نښه راته کيږده
د ما زد يګر اوبو له ځم وا به يې خلمه
-------------------------------
پردېس ځوانانو سره خوند کړي
چې جنکۍ په سفر ځي ارمان راځينه
-------------------------------
پرګودر سپينه سينه اوړی
په لاره تير يدم ودی ويشتمه
-------------------------------
پرګودر سور سالو ښکاره شو
ماوې دی تورو اوبو اورواخيسته مينه
-------------------------------
پرهر پرهر په توره راشې
چې پرهرونه دې ګنډم خوله درکومه
-------------------------------
پرېږده چې خړ سېلاب مې يوسي
په لامبوزن اشنا مې ډيره نازيدمه
-------------------------------
پرېږده چې سپي مې غوښې وخوري
بې وفا ياره در په در دې لټومه
-------------------------------
پرېږده چې سرو وينو کې رنګ شمه
د نيمې شپې له ديدن نه کراريدمه
-------------------------------
پلار يې د بر کلي ملک دی
لور يې د کوز کلي منګي راډکوينه
-------------------------------
پلاريې دبر کلی ملک دی
لور يې د کوز کلی منګی راډکو ينه
-------------------------------
په ا خرت به لالی غواړم
په دې دنيا يې ظالمان نه راکوينه
-------------------------------
په اخرت کې به نارې کړم
چې ناداني وه په ګناه نه پوهېدمه
-------------------------------
په اوښکو لوند ګرېوان مې ګوره
ستا له پېغوره مو رپه کور بند کړی يمه
-------------------------------
په باغ کې سرې غوټۍ ته وايه
چې تاته تور کشمالي ډېر سلام کوينه
-------------------------------
په بام ولاړه يمه زنګېږم
د خوبه نه يم د يار غم غلطومه
-------------------------------
په بل وطن کې پيدا نشوې
د نارنج ګله ننګرهار ته به درځمه
-------------------------------
په بنګو چرسو مې کار نشته
چي د جانان په کوڅه تېر شم نشه شمه
-------------------------------
په پتاسو دې اموخته کړم
اوس د جوارو ډوډۍ خوند نه راکوينه
-------------------------------
په تصور مې ځان پاچا کړ
چې سر مې جګ کړلو ګدا د دونيا ومه
-------------------------------
په تن مې تور چينجي لګيا شول
زړه ترېنه ساتم پکې ستا مينه لرمه
-------------------------------
په تناره مه ورغوړېږه
د وربل څوکې به دې اور وسوزينه
-------------------------------
په تور لحد کې به نارې کړم
زه د دنيا نه ارمانجن راغلي يمه
-------------------------------
په تورو ټوک ټوک شي مړ مشې
چې پرهرونه دې ګنډم خوله درکومه
-------------------------------
په تورو سترګو يې شهيد کړم
تورې جنډې راباندې ودروئ مينه
-------------------------------
په تُهمت مه شرمېږه ياره
په ښو ځوانانو پسې تل وي تُهمتونه
-------------------------------
په جدايۍ دې خفه نه يم
خفه پدې يم چې رقيب دې خپلوينه
-------------------------------
په جهان دوه څيزه مزه کا
يا سپينه خوله يا د بوړي توپک غږونه
-------------------------------
په څه خفه په څه جدا شوې
اوس راته وايه چې توبه ترې اوباسمه
-------------------------------
په خوله به جنګ درسره وکړم
د زړه کوڅې به درنه ولې بېلومه
-------------------------------
په خوله به جنګ درسره وکړم
د زړه کوڅې درځنې کله بيلومه
-------------------------------
په خوله به جنګ درسره وکړم
د سترګو لاندې به زارۍ درته کومه
-------------------------------
په خولې توبې توبې اوباسم
په تا مين زړګی توبې نه قبلوينه
-------------------------------
په دا يوه خبر خوشحال يم
چې خان غريب به ټول يوې خاورې ته ځينه
-------------------------------
په داسې خلكودې بدل كړم
چې دعزت سرمايه بالكل نه لرينه
-------------------------------
په ديواله مې سر اوچت کړو
جنۍ لګيا ده ځانله سترګې توروينه
-------------------------------
په زړه به لويه تيګه کېږدم
جانانه تانه به يې ورو ورو صبرومه
-------------------------------
په زړه دې ډېر داغونه راکړل
ستا دجفا کيسې به چا چا ته کومه
-------------------------------
په زړه مې غر دګيلو پروت دی
هله به يې وايم زه دې سر په زنګون ږدمه
-------------------------------
په زنکدن دې ژبه بند شه
ماته دې ټول عمر دروغ ويلي دينه
-------------------------------
په زنکدن کې مې رانغلې
د جنازې لاندې مې مه ځه مخ تورنه
-------------------------------
په زنکدن مې راحاضر شه
بيا تر قيامته پورې نشته ديدنونه
-------------------------------
په زنکدن مې راحاضر شه
چې په سلګو کې سترګې تاته واړومه
-------------------------------
په زيارتونو به جوړ نه شم
ما به د سپينې خولې ازاد اخيستی وينه
-------------------------------
په ژړا هغه خلک ژاړي
چې د محفل ياران يې تورې خاورې شينه
-------------------------------
په سپينه ږيره راپسې شوې
رب خو دې مړ کړه د لمسۍ په ځای دې يمه
-------------------------------
په سر دې کوم غماز ولاړ دی
چې دې زما غريب يارۍ ته نه پرېږدينه
-------------------------------
په سور سالو کې ګناه نشته
ګناه نجلۍ کې ده چې ړنګه بنګه ځينه
-------------------------------
په صبر صبر پوره نشوه
سبا مې نيت دې بې صبرۍ ته ملا تړمه
-------------------------------
په صورت روغ درته ښکاريږم
لکه غنم د زړه په سر چاودلی يمه
-------------------------------
په غټو سترګو دې مين شوم
ځکه مې غټې غټې اوښکې په مخ ځينه
-------------------------------
په غم کې ستانه کمه نه يم
لېونۍ نه يم چې به کلي خبرومه
-------------------------------
په کټ کې سمه شه ځای راکړه
لکه لړم په دېوالو رااوښتی يمه
-------------------------------
په کشمالو کې مې حلال کړئ
چې جنازه مې ښاپيري اوچتوينه
-------------------------------
په کوڅه تېر شوم ګناهګار شوم
شړنګار يې خيږي زولنې راته راوړينه
-------------------------------
په کوژدن شوې مئين مه شې
ته به ولاړ يې دا به بل ته ودوينه
-------------------------------
په گودر سور سالو ښکاره شو
ما ويل دې سپينو اوبو اور واخيست مينه
-------------------------------
په ګودر څه ټکه لو يدلی
چې کشره خور يې بدرګه ورسره ځينه
-------------------------------
په ګودر سور سالو ښکاره شو
ما وېل دا سپينو اوبو اور واخيست مينه
-------------------------------
په ګودر سور سالو ښکاره شو
چاوې سالو دی وچاوې اور ولګيده
-------------------------------
په لاره تلې کږه وږه شوې
د ډېره خاله دې زېړ ګل وشرماونه
-------------------------------
په لاره تلې مخ دې راستون کړو
د ظالم لورې په ګولۍ دې وويشتمه
-------------------------------
په لښتي ټوپ کړه بيا راټوپ کړه
چې د اوربل روپۍ دې ګډې وډې کړمه
-------------------------------
په لوی ګودر دی څڼی پری ولی
په نری بادی يې وچوی مين دی کړمه
-------------------------------
په ما دې ټول کلی خبر کړ
په تا دې يو دا دا خبر دی زړه دې چوينه
-------------------------------
په ما دې ځوانه ځواني اور کړه
په تا دې اور شي د همزولو مجلسونه
-------------------------------
په ما دې کړې څه بلا ده
چې دې د در خاورې په جېب کې ګرځومه
-------------------------------
په مخ دې شړک د زلفو راکړو
ځکه مې اوښکې د ملالو سترګو ځينه
-------------------------------
په مرک به دواړه سره مړه شو
ارمان مې دا دی چې به وړاندې وروسته شونه
-------------------------------
په مرگ به مړ راپسې نشې
دا لباسي اوښکې د هر چا په مخ ځينه
-------------------------------
په مرګ به مرم پاتې به نشم
ګور ته به يوسم ستا رټلي ځوابونه
-------------------------------
په مرګ دې نه مري جانان خوږ دی
په رنځ دې پرېوزي چې پوښتنې له ی ورځمه
-------------------------------
په مسافرو مې زړه نه سوو
اوس مې پرې سيزې چې مې يار مسافر شونه
-------------------------------
په ناعلاجه مرض پروت يم
په اشنا دوه قدمه ګران دي نه راځينه
-------------------------------
په نيمه شپه دې بېرې راوړې
بېرې دې نه خورم ما توتان خوړلي دينه
-------------------------------
په نيمه شپه راشه جانانه
د زړه تمبې مې نيمکښو پرې ايښي دينه